Moses Hightower - Moses og vinir

Á plötunni Moses & vinir má finna helstu samstarfstónsmíðar Moses Hightower með öðru tónlistarfólki gegnum árin – í fyrsta sinn á áþreifanlegu formi.

Tvö lög eru áður óútgefin: Moses og Kött Grá Pje frumfluttu Húsið mitt á sviði Norðurljósa á Moses & vinir tónleikum sveitarinnar í fyrra og tóku upp í kjölfarið, en elsta lagið á plötunni, Steininn úr, samdi sveitin og tók upp í samstarfi við hiphopgengið Forgotten Lores árið 2011.

Restin af lagalistanum endurspeglar svo bróðurpartinn af útgefnum smáskífum sveitarinnar frá því að platan Lyftutónlist kom út:

1. Húsið mitt - Kött Grá Pjé, Fonetik Simbol
2. Mar - GDRN
3. Maðkur í mysunni - Prins Póló
4. Svikinn héri - Egill Ólafsson
5. Bekkjarmót og jarðarfarir - Friðrik Dór
6. Springur út - GDRN, Friðrik Dór, Stórsveit Reykjavíkur
7. Eyja - Prins Póló
8. Thinking Hard - Cell7
9. Steininn úr - Forgotten lores

Það voru þeir Glenn Schick hljómjafnari með meiru og hönnuðurinn Bouwe van der Molen sem hnýttu slaufu á þennan vinalega pakka.

ATH: Þetta er forpöntunarhlekkur, von er á afhendingu plötunnar í lok ágúst.